حضرت طلحہ رضی اللہ عنہ کی سخاوت
حضرت طلحہ بن عبیداللہ رضی اللہ عنہ نے ایک مرتبہ اپنی زمین حضرت عثمان رضی اللہ تعالیٰ عنہ کے ہاتھ سات لاکھ درہم میں بیچی….. جب یہ رقم آپ کے پاس آئی تو آپ کو خیال ہوا کہ اگر یہ مال رات بھر رکھا رہا اور اسی دوران موت آگئی تو کیا ہوگا۔
لہٰذا اسے اپنے خدام کے ذریعہ مدینہ کے فقراء و مساکین اور بیوہ عورتوں کو رات بھر تقسیم کراتے رہے۔
یہاں تک کہ صبح ہوتے ہوتے ان میں سے ایک درہم بھی باقی نہ بچا….. (الترغیب والترہیب)
زیاد بن جریر کہتے ہیں کہ ایک مرتبہ حضرت طلحہ بن عبیداللہ نے ایک ہی مجلس میں ایک لاکھ درہم تقسیم فرما دیئے…..۔
جب کہ آپ کی سادگی کا عالم یہ تھا کہ اپنی چادر کا کنارہ خود ہی سی لیا کرتے تھے….. (الترغیب والترہیب)
کتاب کا نام: ایک ہزار پرتاثیر واقعات صفحہ 71۔
ایک ہزار پُرتاثیر واقعات
عبرت و نصیحت سے بھرپور دل کی دنیا بدلنے میں اکسیر اولیاء اللہ کے ارشاد فرمودہ دلچسپ و حیرت انگیز واقعات۔
0 Comments