ابوہریرہ رضی اللہ عنہ کے مرض وفات کی دُعا
حضرت مقبری رحمہ اللہ کہتے ہیں کہ مروان حضرت ابوہریرہ رضی اللہ عنہ کے مرض الوفات میں ان کے پاس گیا
اور اس نے کہا اے ابوہریرہ! اللہ آپ کو شفا عطا فرمائے… انہوں نے فرمایا:۔
۔”اَللّٰھُمَّ اِنِّیْ اَحِبُّ لِقَائَکَ فَاَحِبَّ لِقَائِی”۔
ترجمہ:۔ “اے اللہ! میں تیری ملاقات کو محبوب رکھتا ہوں تو میرے سے ملاقات کو محبوب بنا لے”..۔
چنانچہ وہاں سے چل کر مروان ابھی اصحاب القطا مقام تک نہیں پہنچا تھا کہ پیچھے حضرت ابوہریرہ رضی اللہ عنہ کا انتقال ہو گی(اخرجہ ابن سعد)
کتاب کا نام: مجربات اکابر
صفحہ نمبر: 144
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔