زمین کے تمام باشندوں کے برابر عمل

زمین کے تمام باشندوں کے برابر عمل

حضرت ابو بکر صدیق کا بیان ہے کہ میں رسول اللہ صلی اللہ علیہ وآلہ وسلم کے پاس موجود تھا ایک آدمی نے آکر سلام کیا حضور صلی اللہ علیہ وآلہ وسلم نے اس کو سلام کا جواب دیا اور کشادہ روئی کے ساتھ اس کو اپنے پہلو میں بیٹھا لیا جب وہ شخص اپنا کام پورا کر کے اُٹھ گیا۔
تو رسول اللہ صلی اللہ علیہ وآلہ وسلم نے فرمایا: اے ابوبکر!۔
روزانہ اس شخص کا عمل باشندگان زمین کے (سارے) اعمال کے برابر اٹھایا جاتاہے میں نے عرض کیا ایسا کیوں ہے فرمایا جب صبح ہوتی ہے تو یہ شخص دس بار مجھ پر درُود پڑھتاہے اور اس کا یہ درُود ایسا ہوتاہے جیسے ساری مخلوق کا درُود میں نے عرض کیا وہ کیا درُود ہے فرمایا وہ کہتاہے۔
اَللّٰھُمَّ صَلِّ عَلیٰ مُحَمَّدٍ النَّبِیْ عَدَدَ مَنْ صَلیّٰ مِنْ خَلْقِکَ
وَصَلِ عَلیٰ مُحَمَّدٍ کَمَا یَنْبْغِیْ لَنَا اَنْ نصُِّلیَ عَلَیْہِ
وصَلِّ عَلیٰ مُحَمَّدٍ النَّبِیِْ کَمَا اَمَرْتَنَا اَنْ نُصَلِیْ عَلَیْہِ۔

کتاب کا نام: برکات درود شریف کے حیرت انگیز واقعات
صفحہ نمبر: 48