خسرہ کیلئے نسخہ اور وظیفہ
پڑھا ہوا زیتون کا تیل
ایک شخص کو خسرہ نکلا اس نے حضور صلی اﷲ علیہ وسلم کو خواب میں دیکھ کر اپنا مرض بیان کیا…۔
حضور صلی اﷲ علیہ وسلم نے ارشاد فرمایا کہ تھوڑا سا انگوری سرکہ ، تھوڑا اصلی شہد اور قدرے پڑھا ہوا روغن زیتون لے کر ان سب کو ملا لیں اور سارے بدن پر اسکی مالش کریں..۔
اس نے ایسا ہی کیا اور بحکم الٰہی شفاپائی… پڑھا ہوا زیتون کا تیل اس طرح تیار کیا جاتا ہے کہ روغن زیتون کسی صاف برتن میں رکھے اور اسے کسی چیز سے ہلاتا جائے اور سورۂ توبہ کی آخری آیات اور سورۂ حشر کی آخری چار آیات پھر سورۂ اخلاص اورآخری دو سورتیں پڑھ کر دم کرے … بس پڑھا ہوا روغن زیتون تیار ہے ..۔
اس تیل کی بدن پر مالش تمام بیماریوں کو دور کرتی ہے
اگر کسی درد کی تکلیف زیادہ ہو تو تھوڑی دیر دھوپ میں بیٹھے اور درد کی جگہ اس تیل کی مالش کرے….اور پھر تھوڑی سی مصطگی اور کلونجی کوٹ کر درد کی جگہ رکھے…۔
کتاب کا نام: مجربات اکابر
صفحہ نمبر: 100 – 101
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔